فن ادارة الازمات
حياتنا كلنا مؤخراً اصبحت كتلة من الأزمات واللي جميعا بنحاول نسيطر عليها بشكل مستمر وفي مننا اللي بينجح وفى اللى ما بيستطيع وده كله علي المستوى الفردي والشخصى ما بالكم بالأزمات علي مستوى الاعمال "البيزنس"؟! إدارة الأزمات بالنسبة للشركات فن وعلم وعدم المعرفة به بيوقع الشركات في مشاكل كبيرة وطبعا حصل في مصر أشكال كتير من الأزمات هنستعضها في الامثلة التالية.
أزمة نجيب ساويرس وشركة موبينيل
من أشهر أزمات البيزنس علي الاطلاق مشكلة نجيب ساويرس اللي أثرت بشكل مباشر علي موبينيل وكانت سبب فى بيع حصة نجيب ساويرس لشركة أورانج.
بدأت الأزمة لما نزل ساويرس علي حسابه علي تويتر صورة لميكى وميني ماوس لابسين فيها جلابيه ونقاب و والصورة دي أثارت غضب كتير من متابعينه وبعضهم رفعوا عليه قضية، وده أثر علي مبيعات موبينيل بشكل مباشر وأعلنوا خلالها خسارة ما يقارب 42 مليار دولار سنة 2011.
بعد تصاعد الأزمة نجيب ساويرس اعتذر ووضح انها مجرد صورة علي سبيل الهزار و وحذف الصوره من حساباته في محاولات لتدارك الأمر ولكن الأمر كان انتشر بشكل كبير علي كل مواقع التواصل الاجتماعي وظهرت حملات لمقاطعة موبينيل أو التحويل منها لشركات تانية وفضلت الأزمة مشتعلة وكانت سبب لبيع نجيب لحصة من موبينل وبعدها فعلاً بدأت الناس تهدأ.
سويڤل والـ Cost of Greatness
موخراً انتشر اكتر من بوست علي السوشيال ميديا لموظفين في شركة "SWVL" عن رفدهم من الشركة بسبب شكوتهم من بعض المشاكل اللى بتواجهم وانتشرت البوستات لفترة وبعدها بدأت تختفى لحد ما قرر موظف شغال في الشركة انه يسجل ڤيديو يتهم فيه كل الموظفين بانهم مش قادرين يضحوا ويستحملوا الضغط لانهم في شركة كبيرة وان كل هم الموظفين حالياً هو الفطار والبريك وده اللي خلي الازمة تتجدد من كل اللي ما عجبهومش كلامه لان رد فعله كان غير مدورس تماماً وفردى وكلف الشركة كتير.
طيب رد الفعل الصحيح فى الأزمات دي ايه؟
أول خطوة هى الاجتماع بكل أقسام الشركة بما فيها فريق التسويق، فريق السوشيال ميديا وفريق خدمة العملاء للتفكير فى حلول للخروج من الأزمة.
ماهي الخطوات التي يمكن تنفيذها للخروج من أزمات البيزنس؟
- الإعتذار عن الأزمة ونشر بيان لتوضيح تفاصيل الأزمة وخطوات حلها.
- تحديد متحدث رسمي واحد عن الشركة للتحدث عن كل تفاصيل الأزمة ويكون مدرك وملم بكل الأحداث.
- أكيد في أي أزمة بيبقي ليك مساندين مثل ما بيبقي في معارضين لازم تستفيد منهم ومن أرآهم لتخفيف الضغط الواقع عليك.
- بمجرد حل الأزمة لازم تتعلم من التجربة لأن التعلم من أخطائك هو أفضل طريقة لضمان عدم تكرار الأزمة.
هذة الخطوات الشهيرة والمتعارف عليها دلوقتي دوركم تشاركونا لو انتوا اصحاب قرار في اى أزمة من اللي اتكلمنا عنهم ماهى الخطوات اللي ممكن تعملوها علشان تتجنب الوقوع في أزمات أو لحل أى أزمة طارئة؟
منقول
